Paano pinuhin ang iyong diskarte sa karanasan ng user (UX) sa website

Mahalagang gumawa ng walang problemang karanasan ng user (UX) sa website. Makakatulong sa iyo ang diskarte sa UX na iwasto ang anumang bagay na nagkokompromiso sa karanasan sa website.

Marami nang site sa kasalukuyan. Higit sa paggawa ng magandang content, mahalagang gawing kapansin-pansin ang sa iyo. Paano? Isang paraan ang magbigay ng natatanging karanasan ng user (UX). 

Gumamit ng mga tool para maranasan mo kung ano ang nararanasan ng iyong mga user, at pagkatapos ay iwasto ang anumang bagay na nagkokompromiso sa kakayahan nilang gumalaw nang madali sa iyong site. Bilang resulta, puwedeng magdulot ang mga pag-optimize na ito ng positibong epekto sa performance ng iyong mga ad. 

Sukatin ang performance ng iyong site

Bilang unang hakbang, suriin ang karanasan ng user sa kasalukuyan mong website para maunawaan ang mga kinakailangang pagpapahusay.

• Subaybayan ang mahahalagang sukatan tungkol sa performance ng iyong site sa mga resulta ng Google Search gamit ang Search Console. Alamin kung gaano kadalas lumalabas ang iyong site, ang average na posisyon nito, mga click-through rate, at higit pa. 
• Nagbibigay ang ulat sa performance ng visibility sa kung paano nagbabago ang iyong trapiko sa paghahanap sa paglipas ng panahon, kung saan nagmumula ito, at kung anong mga query sa paghahanap ang pinakamalamang na magpalabas sa site mo. Tingnan kung aling mga page ang may pinakamataas (at pinakamababa) na click-through rate mula sa Google Search. 
• Ilantad ang mga hindi pa natutuklasang pagkakataon sa performance at pahusayin ang kalidad ng mga web page sa pamamagitan ng Lighthouse. Sa mga pag-audit ng Lighthouse, matutukoy at pagkatapos ay maaayos mo ang mga karaniwang problemang nakakaapekto sa performance, accessibility, at karanasan ng user ng iyong site. 
• Magpatakbo ng pagsusuri ng paggana sa mobile para makita kung gaano kadaling nagagamit ng isang bisita ang iyong page sa isang mobile device. Maglagay lang ng URL ng page para malaman ang iyong score. Malamang na gumagamit ng mobile device ang karamihan ng mga user na pumupunta sa iyong site, kaya kung hindi mo pa nagagawang pang-mobile ang iyong site, dapat mo itong gawin.  
• 53% ng mga user ang aalis sa isang pang-mobile na site na lampas 3 segundo bago mag-load, kaya magandang bagay na maging mabilis. Suriin ang bilis ng iyong mobile page at ikumpara ito sa mga benchmark ng industriya.

Palaging tandaan ang mobile

Dahil ina-access na ngayon ng karamihan sa mga user ang Google Search sa pamamagitan ng mobile device, ang pang-mobile na bersyon ng content ng iyong site ang pinagbabatayan ng pag-index at ranking. Kung may magkahiwalay na content para sa desktop at mobile ang iyong site, narito ang dapat mong tandaan para mag-optimize para sa pang-mobile muna na pag-index.

• Magkapareho lang dapat ang content sa iyong pang-mobile na site at pang-desktop na site.
• May structured data dapat sa parehong bersyon ng iyong site.
• May metadata dapat sa parehong bersyon ng site.

Pagdating sa disenyo, tandaang madaling mainip ang mga user – kaya isaayos ang iyong site sa paraang madali para sa mga taong hanapin at gawin kung ano ang gusto nila. Ituon ang iyong homepage at navigation sa pagkonekta ng mga user sa content na hinahanap nila. Mag-alok ng paghahanap sa site para tiyaking mabilis na mahahanap ng mga user kung ano ang gusto nila. Unawain ang mga hakbang ng customer mo at bigyang-daan ang mga user na mag-convert kung kailan nila gusto. Magbigay ng maayos at walang kahirap-hirap na karanasan sa pakikipag-usap sa pamamagitan ng mga madaling gamiting form.

Para matuto pa tungkol sa kung paano gawing napakaganda ng karanasan ng user sa iyong website mula sa pagiging maganda lang, basahin ang pinakamahuhusay na kagawian sa disenyo ng mobile na ito.