Paano pahusayin ang engagement ng user ng iyong mga site

Isa ka mang may-ari ng negosyo o blogger, malalaman mong ang susi sa tagumpay ng iyong website ay ang pag-aalok sa mga tao ng mahusay na content, mga produkto, o mga serbisyo na hindi nila makukuha sa kahit saan.

Pero may isa pang mahalagang salik sa tagumpay – at iyon ay kung gaano kahusay ang site mo sa panghihikayat sa mga tao na makipag-ugnayan dito, at sa huli, manatili sa pinakamatagal na panahong posible.

Kilala ito bilang ‘engagement ng user.’ Isa itong espesyal at mahalagang sukatan kung nagbebenta ka ng mga ad batay sa dami ng trapiko, dahil kapag mas matagal mong napapanatiling nakikipag-ugnayan ang mga tao sa iyong content (at sa mga ad mo), mas malaki ang kikitain mo.

Sa artikulong ito, ie-explore natin ang mga paraan kung paano mo masusukat ang mga antas ng engagement ng user ng iyong website, paano gumawa ng mga pagpapahusay, at anong mga panganib ang dapat bantayan sa kabuuan ng proseso.

Bakit mahalaga ang engagement ng user, at kung paano ito sukatin

Sa parehong paraan kung paano pana-panahong ina-update ng mga restaurant ang kanilang mga menu para alisin ang mga hindi mabentang putahe at panatilihin ang mga mabenta, dapat mo ring subaybayan ang iyong content para malaman kung saan nakikipag-ugnayan ang mga user, anong hindi pinapansin, at ang dahilan ng pag-alis ng mga tao.

Puwede mo itong sukatin sa ilang paraan:

• Bounce rate Ang porsyento ng mga bisitang umaalis sa iyong site nang hindi nagsasagawa ng anumang pagkilos – tulad ng pag-click ng link, pagbili ng isang bagay, o pagsagot ng form.
• Oras sa site Kilala rin bilang ‘tagal ng session,’ ito ang kabuuang tagal na iginugugol ng isang tao sa iyong website.
• Mga Pageview Inilalarawan kung ilang beses na-load o tiningnan ang iyong page sa isang browser.
• Mga komento o pagbabahagi Bibigyan ka nito ng tinantyang ideya sa kung gaano kasikat o kainteresante ang iyong content.
• Porsyento ng bumabalik na bisita Inilalarawan nito ang bilang ng mga user na nakapunta na sa iyong website sa loob ng isang partikular na yugto ng panahon, pagkatapos ay bumalik dito sa parehong device.

Para sukatin ang mga sukatan ng engagement ng user na ito (at iba pa) para sa iyong website, kakailanganin mo muna ng analytics ng site. Ang isang opsyon dito ay ang Google Analytics, na simple lang i-set up, at gumagana nang walang kahirap-hirap sa Google AdSense.

Pagkatapos, kung paano pahusayin ang engagement ng user

Ngayong alam mo na kung aling mga interaction ang dapat sukatin, at kung paano gawin ang mga ito, i-explore natin ang ilang hakbang na puwede mong gawin para pahusayin ang mga antas ng iyong engagement ng user.

• Magsimula sa isang hypothesis at subukan ito Halimbawa, kung gusto mong pahusayin ang iyong sukatan ng mga pageview, puwede kang magpatakbo ng pagsubok kung saan magdaragdag ka ng mga link sa dulo ng mga artikulo mo na magdadala sa iyong mga user sa ibang content na baka magustuhan nila. Pagkatapos, puwede kang gumamit ng tool gaya ng Google Optimize para mabilis na mag-set up ng mga A/B test, at tingnan kung aling content, mga mensahe, o iba pang karanasan ang may pinakamaraming pakikipag-ugnayan (at pinakanagugustuhan) ng mga customer.
• Subaybayan ang mga bounce rate Kung ipinapakita ng iyong analytics ang isa sa mga page mo bilang may maraming trapiko pero mataas na bounce rate, kailangan ng higit pang pagsisiyasat. Halimbawa, baka kailanganin mong pabilisin ang pag-load ng iyong page, o pasimplehin ang navigation mo. Mayroon ka bang anumang pop-up na pumipigil sa mga taong basahin ang iyong blog? May naka-autoenable ka bang tunog kapag napupunta sa iyong site? Gaano kadaling basahin ang iyong site sa mga mobile device? Puwedeng makaapekto ang mga ganitong isyu sa iyong bounce rate, kaya tiyaking suriin ang bawat isa, ulit-ulitin na subukan ang mga pagbabago, at sukatin ang epekto habang nagpapatuloy ka.
• Isa ka bang publisher ng balita? Kung oo, subukang gamitin ang News Consumer Insights para tulungan kang bumuo ng katapatan at makakuha ng mas mahusay at mas tumpak na data tungkol sa iyong mga user.

Ilang bagay na dapat mong bantayan

Magpagana muna ng mga pag-benchmark ng industriya

Bago sukatin ang mga antas ng engagement ng user ng iyong site, palaging suriin ang mga benchmark para sa partikular na industriya mo. Bibigyan ka nito ng pamantayang magagamit mo para mapagkumparahan ng performance ng iyong site, makatulong sa iyong sumubaybay ng pag-usad, at mag-flag kung magkaroon ng problema na kailangang ayusin. Isang magandang lugar para magsimula ang Google Analytics, na nagbibigay-daan sa iyong ihambing ang bounce rate ng site mo at iba pang data ng performance sa mahigit 1,600 iba't ibang kategorya ng industriya.

Unawain nang maayos ang mga bounce rate

Ang mga bounce rate ay kapaki-pakinabang na sukatan, pero mahalagang maunawaan ang mga ito ayon sa konteksto. Halimbawa, kung may user na bumisita sa kahit isang page lang ng iyong website pagkatapos ay umalis, baka isipin mong hindi gaanong nakakahikayat ang iyong content. Pero posibleng makapanlinlang ang pananaw na iyon kung may mahabang content ang page na binisita niya, at nanatili siya sa iyong site nang ilang minuto o higit pa. Sa sitwasyong ito, baka mas makatulong para sa iyo at makakuha ka ng mas malinaw na insight kung gagamitin mo ang sukatang lalim ng pag-scroll.

Maging maingat sa sukatang itinagal sa page

Gaya ng sa mga bounce rate, puwede ring maging medyo makapanlinlang ang itinagal sa page.

Pag-isipan ang sitwasyong ito. May user na napunta sa iyong homepage, at itinala ng tool mo sa analytics ang oras bilang (halimbawa) 11:05am. Nanatili doon ang user na ito nang isang minuto, pagkatapos ay nag-click siya sa ibang page sa iyong site. Muli, itinala ng iyong tool sa analytics ang oras bilang 11:06am. Pagkatapos manatili doon nang limang minuto, ganap nang umalis ang user sa iyong site – kaya naman ang kanyang kabuuang oras sa site ay kamangha-manghang anim na minuto.

Pero ang problema, naitatala nang mali ng halos lahat ng tool ng analytics ang kabuuang oras sa site bilang isang minuto lang. Bakit ganito? Dahil ito sa ang mga sarili mong page lang ang 'nakakausap' ng mga tool na ito, at hindi ang mga page sa iba pang website. Kaya kapag may user na umalis para pumunta sa ibang site, hindi magpapadala ang bagong website na iyon ng timestamp para makalkula mo ang oras na iginugol sa huling page. Sa abot ng nalalaman ng tool ng analytics, nanatili ang user sa iyong homepage nang isang minuto, pagkatapos ay umalis.

Subukang huwag mag-overmeasure

Talaga namang isang positibong hakbang ang pagpapasyang pahusayin ang mga antas ng engagement ng user, pero mahalagang huwag mong subukang magsukat ng masyadong maraming sukatan nang sabay-sabay. Mas mahalagang tukuyin ang isang sukatang ipinakitang may positibong epekto sa iyong kita – ito man ay oras sa site, mga pagbabahagi, atbp. – pagkatapos ay tumuon sa pagtukoy ng benchmark, at paggawa ng mga pagsubok na naghahatid ng mga gusto mong resulta.

Para sa higit pang resource sa pagpapahusay ng karanasan ng user, performance, at potensyal na kita ng iyong site, pumunta sa aming seksyong Mga Resource.